Tiparet e reja në dizajn dhe brendësi të makinës theksojnë më tepër ndjesinë e komoditetit dhe sigurisë. Octavia ofron tashmë një gamë tërësisht të re të timonëve me tri dhe katër rreze, radio sistem navigimi, elementë këto të disponueshëm për të gjitha versionet e këtij modeli.

Kroskoti është një shembull i mirë për të ilustruar modernitetin, dizajnin elegant dhe ergonominë në në funksionet që ofron. Ndriçimi i bardhë LED krijon një kontrast të dukshëm në sfondin e zi të kroskotit ndërkohë që ndriçimi jeshil në pajisjet e tjera elektronike në makinë mundëson një kombinim të këndshëm i cili nuk të shpërqendron gjatë udhëtimit.

Materialet dhe ngjyrat e reja të sediljeve dhe tapicerisë së dyerve si dekori i ri i kroskotit për secilin nivel të pajisjeve të makinës u janë përshtatur prurjeve më moderne në dizajn. 

Teknologjia tek Octavia e re është ndër më të përparuarat që haset ndërmjet makinave moderne. Octavia e re është e disponueshme me pesë motor benzine dhe tre motorë nafte, si edhe një game të pasur kambiosh manuale dhe automatike.

Në të përfshihet kambio revolucionare automatike DSG me 7 raporte, e konceptuar në mënyrë specifike për motorët: 1.2 TSI/77 kW (105 kf), 1.4 TSI/90 kW (122 kf) dhe 1.8 TSI/118 kW (160 kf).

Octavia e re është e pajisur me një numër të madh motorësh të cilindratave dhe rendimeteve të ndryshëm për t’ju përshtatur nevojave të çdo klienti.

Motorët e benzinës variojnë nga 1.4 MPI/59 kW (80 kf) deri tek 2.0 TSI me një rendiment prej 147 kW (200 kf). Gama e motorëve të naftës ofron dy motor turbo me një rendiment prej 77 kW (105 kf) dhe 103 kW (140 kf), si edhe një motor 2.0 TDI i pajisur me sistemin common rail dhe injeksionin direkt turbo me një rendiment prej 125 kW (170 kf).