Ndryshimi ka prekur edhe pjesën e jashtëme të Fabias duke e bërë atë më dinamike dhe të qëndrueshme. Linjat horizontale të parakolpit me grilën e re, kofano e modifikuar si edhe dritat kryesore dhe ato të mjergullës të pajisura me drita udhëtimi dite kanë zgjeruar pamjen e pjesës së parë të makinës.

Gama e ngjyrave është pasuruar më tej me blu Pacific (bojë jo metalike) si edhe ngjyrën jeshile Rallye. Përzgjedhja e disqeve përfshin disqet e aluminit 16’’ Elba dhe Comet light si edhe kapak të rinj Comoros për disqet e çelikut 14’’ dhe ato Satellite për disqet 15’’. Për herë të parë Fabia mund të porositet me shina tavani (në ngjyrë të zezë ose të kombinuara të zezë dhe gri). 

Pjesa e brendshme ka pësuar shumë ndryshime të cilat jo vetëm kanë rritur komoditetin e pasagjerit por kanë përmirësuar gjithashtu funksionalitetin dhe manuvrueshmërinë e makinës.

Timoni i ri multifunksional me tri rreze mundëson një kontroll më të lehtë të radios apo telefonit. Pamja e brendshme është përmirësuar më tej me kroskotin e ri i cili ofron tashmë funksione të reja së bashku me një dizajn të ri.

Paneli i ajrit të kondicionuar është përmirësuar dhe është i pajisur me butona të rinj më estetikë. Tapiceria mund të përzgjidhet me dizajnet e reja: Domino, Chess si dhe atë Drop Blue.